ТУРИСТИ ОД СРБИЈА ЛЕТУВАЊЕ ВО ГРЦИЈА ПЛАТИЛЕ И ДО 2.000 ЕВРА, А ЗАВРШИЛЕ СРЕДЕ НИВИ И СО ПРАЗНИ СТОМАЦИ - еве какви се оправдувањата
„Грција има многу да понуди, а Скала Фурка на полуостровот Касандра има посебен шарм. Престојот во хотелот „Тропикал“ ќе ви го направи летото незаборавно“, напишала „Барчино турс“ на својата веб-страница.
Дејан Јакшиќ од Нови Сад сигурно нема да го заборави одморот во 2022 година...
По повеќе од 17 часа возење и три погрешни свиоци, патот, како што вели, ги насочил од главниот пат во поле со пченица. Според Дејан, самиот хотелски комплекс е прекрасен. Проблемот е локацијата, пишува Луфтика.
„Ни зедовте 130.000 динари за хотел лоциран во поле со пченица. Околу хотелот нема апсолутно ништо“, се пожалил Дејан во споменатата туристичка агенција и споделил со медиумот дека до најблиската плажа оделе пешки по прашливата нива, и тоа подолго отколку што им посочила агенцијата.
