Сите гледаа во нив: Силвестер Сталоне со сопругата и двете ќерки се појавија во координирани бои на настан, по гласините за развод
Актерот Силвестер Сталоне и неговата сопруга, поранешната манекенка Џенифер Флавин, заедно со нивните ќерки Софија и Систин неодамна уживаа на модна ревија во Лос Анџелес, по гласините дека се разведуваат.
Семејството за модната ревија носеше облеки во координирани бои, а Џенифер изгледаше неверојатно во чоколадно кафеав фустан, усогласен со блејзерот на нејзиниот сопруг.
Сталоне се појави на ревијата на Ралф Лорен со сопругата и ќерките и ја покажаа својата супер модна смисла и неверојатно чувство за стил за време на шоуто на Ralph Lauren SS23 Runway.
Познатото семејство е фотографирано додека шета по црвениот тепих и позира пред камерите во четвртокот вечерта во Лос Анџелес.
Силвестер Сталоне и Џенифер Флавин изгледаа среќни заедно, насмеани, па дури и се држеа за рака, додека нивните ќерки Софија и Систин позираа заедно.
Се чини дека холивудскиот пар напредува во врската, по гласините за раскинување и барање развод по 25 години брак.
Софија носеше бел фустан, во комбинација со златна кожна јакна и бела чанта, додека Систин носеше златен фустан со винтиџ кафена јакна и кафена чанта.
76-годишниот актер и 54-годишната актерка поминаа низ криза за развод во септември, а Силвестер дури и отстрани голема тетоважа од лицето на неговата сопруга и ја замени со тетоважа од своето куче. Сепак, се чини дека парот се смири откако неколку пати беа забележани заедно, вклучително и неодамнешното излегување во продавница во Лос Анџелес.
извор:najzena
