ПРОНАЈДЕНИ ШОРЦЕВИ ВО АЛГИТЕ КАЈ КАТЕРИНИ - личат како тие што ги носел Мартин

Волонтерската невладина служба ОФКАТ вчера објави дека се пронајдени шорцеви за капење меѓу алги во Катерини, што, пак, ги поттикнало надежите за пронаоѓање на Мартин кој исчезна во водите на егејското море. 

„Утрово ни испратија фотографија од шорцеви за капење пронајдени меѓу алги во Катерини, но граѓанинот што ги нашол не ги задржал, па не можеме да ги покажеме на семејството. Меѓутоа, тие ја видоа фотографијата и мислат дека личат на шорцевите што ги носел Мартин“, изјави првиот човак на волонтерската спасувачка служба ОФКАТ, Христос Рамос, за „ГРТајмс“.