Мајката на Чарли и Алан од серијата „Два и пол мажи“ осум години е во врска со 32 години помлада актерка

Тие се запознале десет години пред да започнат врска.

Холанд Тејлор ја освои домашната публика со улогата на мајката на Евелин во серијата „Два и пол мажи“.

Нејзините синови Алан и Чарли ги играа Џон Крајер и Чарли Шин, а за оваа улога таа беше номинирана четири пати за наградата Еми.

Таа претходно имаше забележителна улога во серијата „Адвокат“, за која во 1999 година доби Еми награда за најдобра споредна женска улога во драмска серија. Покрај овие серии, ја видовме и во филмовите: „Legally Blonde“, „Believe in Love“, „The Truman Show“...

Нејзиниот приватен живот е честа тема на медиумите. Холанд никогаш не била во брак и нема деца, а веќе осум години е во врска со 32 години помладата колешка Сара Полсон.

Тие се запознале десет години порано, но и двете тогаш имале партнери. 

„Тоа чувство на припадност на кој било, освен на личноста на која навистина сакам да ѝ припаѓам, како Холанд или моето куче или мојот најдобар пријател или сестра ми… кога еден куп странци ќе те сметаат за нивен, тоа е малку збунувачки. Бидејќи не сум експерт и не ми оди најдобро во тие ситуации, на крајот се отворам со луѓето повеќе отколку што би сакала“, рече Сара.

На новинарско прашање што мисли за тоа зошто луѓето се толку опседнати со нивната разлика во години, актерката одговори дека веројатно има врска со тоа што се плашат да се соочат со смртта, но тоа го одразува и ставот на општеството дека постарите луѓе се без страст.

Фото: Youtube - screenshot