Горан Бреговиќ и „Леб и сол“ по 47 години повторно на иста сцена: Легендарните мелодии на „Јовано Јованке“ и „Месечина“ одекнуваа од салата на „Јане Сандански“

На само еден ден пред неговиот 74-ти роденден и 50 години од основањето на Легендарната група „Бјело Дугме“, Горан Бреговиќ заедно со оркестарот за „Свадби и погреби“, гудачкиот камерен оркестар, машкиот хор и двете пејачки од Бугарија, направи одлична журка за паметење во салата „Јане Сандански“ во Скопје. 

Тој ги отсвири неговите познати „Месечина“, „Ова е Балкан“ и „Калашњиков“.

Како предгрупа по цели 47 години, на истата сцена настапија легендарните „Леб и сол“ кој беа следени со воодушевување и громогласен аплауз од присутните.

Инаку Брега свиреше песни од неговите два последни албума „Три писма од Сараево“ и „Папокот на светот“.

Тој го напишал албумот „Три писма од Сараево“ за тројца виолинисти, од разни националности со цел да ја покаже нивната различност преку музиката. 

Елеонора А.

Фото: Вангел Тануровски