Српскиот шминкер се трансформираше во Ведрана Рудан, а таа веднаш се огласи: Еве како го коментира видеото кое не престанува да се гледа
„Ова е најсилната трансформација за мене. Неповторливата Ведрана Рудан“, напиша шминкерот и инфлуенсер Стефан Суботиќ пред неколку дена на Инстаграм. Резултатот од таа трансформација им се допадна на многумина, а потоа реагираше и познатaта авторка. Суботиќ е познат по трансформациите со шминка, благодарение на кои многу брзо „станува некој друг“. Ведрана Рудан му била голема инспирација.
Инспирација беа и нејзините изјави во кои истакна дека има мажи на кои им е важна женската интелигенција, а не нивниот изглед, односно затегнатиот задник и истакнатите гради. Кога ја покажа трансформацијата, следеа коментари: „Господе! Стефан, да беше во Холивуд ќе беше лицето на светот“, „Оригинално“, „Совршено“, „Браво“, „Ајде, неверојатно, нема еден подобар од тебе“, „Гениј“.
Коментарот на Ведрана Рудан на нејзината Фејсбук страница гласи: „Генијалниот Стефан Суботиќ“.
Многупати покажал што може да се постигне со шминката – од претворање во некој друг до менување на изгледот на жените како што тие сакаат.
Веќе убавите жени потоа откриваат друга страна од себе, односно нивната убавина сјае на поинаков начин, но како што вели Рудан, суштината е далеку од физичката надворешност.
