Подготвен да направи сѐ за сопругата: Бастијан Швајнштајгер воодушеви со начинот на кој ѝ го честиташе роденденот на Ана (ВИДЕО)
Големата љубов кон сопругата, го поттикна Бастијан Швајнштајгер да учи српски.
Целата српска јавност со ентузијазам го коментираше најновиот потег на славниот спортист Бастијан Швајншајгер.
Тој и неговата сопруга Ана Ивановиќ пред неколку дена пристигнаа во Србија и заминаа на обиколка на градот, а Калемегдан беше едно од местата што ги посетија.
Неговата фотографија ги освои симпатиите на голем број следбеници, а Бастијан сега повторно ги воодушеви сите кои го следат.
Имено, на неговата сопруга, познатата српска тенисерка Ана Ивановиќ ѝ беше роденден, а тој реши да ѝ честита преку социјалните мрежи на чист српски јазик.
За овој негов потег зуи цела Србија, а многумина велат дека за неговата сопруга, Бастијан е подготвен да направи сѐ, дури и ако тоа значи учење на српски јазик.
Да потсетиме, Ана Ивановиќ и Бастијан Швајнштајгер се венчаа во 2016 година и се во хармоничен брак повеќе од 6 години. Тие двајца живеат во својот семеен дом во малиот австриски град Вестедорф, со двете дечиња.
Србинката и Германецот заедно имаат два сина Лука (4) и Леон (3). Двајцата се договориле да не ги изложуваат децата во јавност и изгледа дека и двајцата се држат до тоа правило.
извор:GLOSSY
