Ова бебе е чудо: Малиот борец се роди со само 700 грама, срцето престана да му чука цели 17 минути, а сега конечно е дома

Бетани имала непречена бременост додека не почнала да има грчеви во 26-та недела и не забележала крв во кадата...

Предвремено родено бебе чие срце престана да чука на 17 минути за чудо преживеа и сега е дома откако помина повеќе од три месеци во болница.

На Бетани Хомар (28) и било кажано дека има големи шанси нејзиниот син да не преживее кога итно била однесена на царски рез во 26-та недела од бременоста.

Таа претрпела абрупција на плацентата, каде што плацентата се одвојува од ѕидот на матката пред породувањето, што може да биде фатално за бебето.

Исаја Гордон е роден со тежина од само 700 грама во локалната детска болница во Шефилд, Јужен Јоркс.Тој бил реанимиран 17 минути пред да почне повторно да дише.

Исаија имал повеќекратни трансфузии на крв за да го одржи во живот, но снимките покажале само две мали крварења и за среќа немало оштетување на мозокот.

По 112 дена поминати во болница, тој се врати дома.

- Ми беа дадени два избора. Да почине додека е уште во мене или да го родам, но со големи шанси да не преживее. Кога ми рекоа дека го реанимирале 17 минути, не можев да поверувам – изјави Бетани.

-Не можам ни да поверувам дека сега е дома и дека е добро. Тој е чудо – рече мајката на бебето.

Бременоста беше нормална

Бетани дознала дека го чека своето четврто дете, прво со партнерот Рубен Гордон (28) во декември 2021 година.

Бетани имала добра бременост додека не почнала да има грчеви во 26-та недела и не забележала крв во кадата.

Таа добила две опции - лекарите би можеле да го запрат крварењето и да го остават нејзиното бебе да умре внатре во неа, или да ризикуваат царски рез што нема да му остави на бебето добри шанси за преживување.

- Не знаев што се случи кога отидов, ми рекоа дека не се сигурни дали ќе преживее – рекла таа.

- Не дишеше кога се роди и лекарите ми рекоа дека го реанимирале 17 минути, а ако поминале уште неколку минути ќе морале да прекинат. Тој се спаси во последната секунда - рече таа.

Исаија е роден со дупка во срцето и отворен вентил, кој лекарите ќе продолжат да го следат додека старее.

- Има хронично белодробно заболување, па се уште е на кислород дома.
„Но, многу е надреално дека тој е дома“, рече Бетани.

-  Сега има околу 3 ипол кила и се смее - рече мајката.

Рубен, таткото на бебето, раскажа како се чувствувал во тоа време.

- Сè се случи толку брзо откако Бетани беше пренесена во болница. Не можев да одам со неа на царски рез, но морав да го видам Исаија веднаш откако се роди. Беше толку мал, но имаше мало проѕевање што ми даде чувство дека ќе биде добро. Беше навистина страшно- изјави Рубен.

- Сега ни е драго што конечно е дома - заклучи тој.