Моќни бои кои се хит и оваа есен: Еве како да ги комбинирате

Ова се нијансите кои ќе ги преплават улиците во првите есенски денови.

Полека се збогуваме со топлите денови, а доаѓањето на првите обилни дождови јасно покажува дека есента е зад аголот. И иако многумина тешко се помируваат со фактот дека ни претстои постудено време, мораме да признаеме дека сепак има нешто интересно кога размислуваме за слоевити есенски комбинации и топли бои кои ќе ги шетаме од септември.

За да ја дочекате есенската сезона, подолу ги одбравме топ 5-те бои кои ќе ја одбележат модната есен што претстои. Ваше е да ја изберете вашата палета оваа година, а потоа неколку парчиња во тие бои за да го зачините вашиот есенски стил и да влезете самоуверено во канцеларијата по одморот.

Ванила боја

За да го продолжите чувството на лето на вашата кожа во текот на есента, постојат парчиња во неодолива боја на миризлива ванила. Оваа нијанса не само што совршено се истакнува на исончаната кожа, туку и совршено се комбинира со сите повпечатливи бои од есенскиот спектар. Покрај тоа, оваа нијанса е совршен избор за парчиња класичен крој кои се предмет на желба на љубителите на минимализмот, па доколку сте меѓу нив дефинитивно нема да погрешите со оваа нијанса.

Кобалтно синa

Впечатливa и живописнa, кобалтно сината е нијанса која речиси на сите им прилега, без разлика дали сте русокоса, црвенокоса, бринета, со светла или темна кожа... Од ова лето апсолутен тренд на улиците на светските метрополи беше небесно сината кошула, тој тренд успешно опстојува и во текот на есента во форма на мала модификација која доаѓа во кобалтно сина нијанса. Оваа боја ќе изгледа одлично и на кадифено одело, плетен џемпер или тренди плетени парчиња.

Жешка чоколада

А сега боја која особено ќе ги воодушеви сите љубители на чоколадо! Оваа заводлива топла нијанса е совршена асоцијација на магична, топла, пријатна есен, а парчињата изгледаат толку добро во неа што ќе се чувствувате како буквално да се капете во чоколадо кога ќе ги носите. Ова особено се однесува на свилените и сатенските кошули, долгите и лизгави фустани со атрактивни деколтеа и кожните парчиња кои никогаш не изгледале толку добро.

Барбипинк

Како што се појавија вести за филмот за Барби во кој главните улоги ги толкуваат Маргот Роби и Рајан Гослинг, светот на модата полуде со барбикор манија. Како што можете да замислите, фокусот е ставен на добро познатата барби розова нијанса со која пораснаа генерации девојки, а која сега изгледа исто толку добро на парчиња како шик одела, ѕвонарки, женствени фустани, но и на чанти и очила за сонце. . Кој би можел да и одолее?

Црна

Иако некои тврдат дека црната не е боја, факт е дека е незаменлива за сите елегантни вечерни тоалети, но зошто да не и за многу дневни изданија. Црниот тренд од глава до пети е се поприсутен на улиците на модните метрополи, а за успешно завршување на оваа модна равенка, важно е да знаете дека најдобриот ефект се постигнува кога ќе комбинирате различни материјали и текстури. Така, на пример, можете да комбинирате мек бушав црн џемпер и кожено здолниште молив, сатенска кошула со твид панталони или кадифен црн фустан со лакирани чизми до глужд. Загарантиран е елегантен и моќен ефект.

Која од овие нијанси ќе ја краси вашата гардероба оваа есен?

фото: Инстаграм