Ретроградниот Меркур започна и трае до 25 април, а доколку верувате во неговото негативно влијание, овие совети ќе ви бидат корисни

Претстојниот ретрограден Меркур ќе трае од 1 април во 11:14 часот до 25 април во 13:54 часот, а најпрвин ќе биде во знакот Овен, по што ќе се пресели во Бик

Се очекува да биде интензивно, турбулентно и особено негативно да се одрази на пет знаци во Зодијакот.

Главно се работи за ситници како проблеми во комуникациите, со електроника, одложувања и враќање на луѓето од минатото. Бидејќи ретроградниот Меркур ќе опфати поголем дел од април, важно е да се најдат начини да се избегне неговата целосна моќ.

Како да се заштитите од ретроградниот Меркур?

За да бидете подготвени за ретрограден Меркур, можете, колку што дозволува ситуацијата, да преземете одредени чекори.

Внимателно со технологијата

Бидејќи ретроградниот Меркур често може да доведе до потешкотии во комуникацијата: изгубени и расипани телефони, таблети и компјутери, дефекти на разни уреди, изгубени пораки итн., многу е важно во овој период да не се потпирате само на технологијата.

Можеби целосно исклучување на технологијата не е опција за вас, но има некои мали нешта што можете да ги направите - проверете дали батеријата на телефонот е наполнета пред да излезете од дома, не купувајте нови уреди во овој период, запишете ги обврските во вашиот календар наместо само во дигиталниот простор, итн.

Префрлете се на лична комуникација

Ризикот од технички дефекти и проблеми со комуникацијата се зголемува за време на ретроградниот Меркур, па затоа е идеално да имате важни разговори лице в лице.

СМС пораките може да бидат пропуштени или погрешно разбрани од луѓето, па за да избегнете каква било забуна, обидете се да разговарате во живо.

Не размислувајте за иднината

За време на ретроградниот Меркур, сè е неизвесно и непредвидливо, така што нема многу смисла да се грижите што ќе донесе утре.

Во тој период покорисно е да размислувате за минатото и неговото влијание врз сегашноста, за да научите од вашите грешки и да знаете што е попаметно да правите во иднина.