Ексклузивно: На 7-ми мај, Ана Бунтеска и Марко Виденовиќ ќе ја промовираат својата прва задничка книга - поезија „(Љ)убост“

Ексклузивно - Женски магазин ви ја најавува заедничката книга – поезија на поетесата Ана Бунтеска и поетот Марко Виденовиќ. Промоцијата ќе се случи на 7- ми мај каде љубителите на поезијата ќе можат да уживаат во страниците на „(Љ)убост“.

Ана Бунтеска

Си замислив љубов

Без приказни и бајки

Без зашеќерени стихови

Без мечти и копнежи

Само небо сиво

И птици кои се без пој

Облаци полни дожд

И црвено-жолти лисја

Есента доаѓа во нашите срца

А јас …

Јас само си замислив љубов

ЉУБОВ

Од мислата твоја,

небото веќе не е сиво

Копнеж се роди среде дождлив ден

Сокриени птици,

низ црвено-жолти лисја

срамежливо пеат есенска песна,

а секој стих се прпелка во сладост

Секој ден е нова приказна, нова бајка.

Си замисли љубов, и ете,

веќе сè е љубов.

Марко Виденовиќ