БЕШЕ НАЈСЛАТКОТО МОМЧЕ ШТО НЕКОГАШ СУМ ГО ПОЗНАВАЛ - идентификувани првите жртви од масакрот во Тексас

Часови по масакрот во основното училиште во Тексас, почнаа да пристигнуваат информации за жртвите. Полицијата потврди дека загинале 19 деца и двајца возрасни, а неколку деца се тешко повредени.

Медиумите јавуваат дека се идентификувани првите жртви.

Узија Гарсија (8)

Узија Гарсија е осумгодишно момче убиено во нападот, потврди неговото семејство.

„Најслаткото момче што некогаш сум го познавал“, изјави неговиот дедо Мани Ренфро за Асошиетед прес. „И не го велам тоа само затоа што ми беше внук“, додаде тој, опишувајќи го она што го правеа на последните празници: „Почнавме да играме американски фудбал, а јас го научив да подава. Беше многу брз и можеше да фати многу. Вежбавме различни потези и тој добро се сеќаваше на сè“.