Расплакана Селин Дион пред камера зборува за битката со неизлечивата болест: „Ќе направам сѐ за повторно да пеам!“

Селин Дион пред две години сподели со јавноста дека боледува од синдром на вкочанета личност, а сега за оваа нејзина тешка борба проговори и во документарен филм.

Објавен е првиот трејлер за документарниот филм за битката на Селин Дион со тешката и неизлечива болест наречена синдром на вкочанета личност. Можете да ги видите потресните сцени на пејачката која зборува за нејзината најтешка животна битка.

Видливо е како Селин го сочува гласот во документарецот и вели дека ќе направи се за да може повторно да пее, а во исто време се труди да не заплаче.

„Мојот глас е диригент на мојот живот“, вели пејачката.

Селин поради болеста ја одложи европската турнеја и многубројните јавни настапи, но е упорна во борбата да ја добие битката.

„Ако не можам да трчам, ќе одам, ако не можам да одам, ќе ползам“, рече таа во овој тежок период.

Документарецот ќе биде достапен на Амазон од 25 јуни.

Што е синдром на вкочанета личност?

Невролошката болест наречена Синдром на вкочанетост е многу ретка болест, невролошко нарушување чии симптоми може да вклучуваат вкочанети мускули во трупот, рацете и нозете и зголемена чувствителност на бучава, допир и емоционален стрес, што може да предизвика дополнителни мускулни грчеви.

Оваа болест погодува двојно повеќе жени отколку мажи, а со текот на времето може да доведе до стуткано држење и ограничена способност за движење. Не е лесно да се постави дијагноза бидејќи тоа е многу ретка болест и понекогаш се потребни неколку години за да се постави точна дијагноза. Честопати симптомите може да се помешаат со оние на Паркинсоновата болест, мултиплекс склероза, анксиозност... Откако ќе се дијагностицира, не може да се излечи, но може да се олесни со употреба на седативи и лекови за анксиозност кои ги релаксираат мускулните грчеви. Токму така е можно да се контролираат симптомите и да се намали нивното влијание врз секојдневниот живот.

Иако синдромот е сè уште редок, се верува дека голем број луѓе страдаат од оваа болест, но нивните синдроми не се препознаваат, па затоа болеста не е оквалификувана како овој синдром. Карактеристиките на овој синдром се симетрично вкочанети мускули, а можни се и грчеви кои често доведуваат до деформација на коските.

Луѓето со оваа болест може да имаат проблеми со одење и движење и може да се плашат да ја напуштат куќата поради надворешни дразби кои можат да предизвикаат грчеви во мускулите. Не е јасно што предизвикува SPS (Stiff Person Syndrome), но истражувањата сугерираат дека тоа е резултат на автоимуна реакција во мозокот и 'рбетниот мозок.