Македонските ракометари со елегантен и минималистички вкус за накит кај жените

Во пресрет на вториот натпревар меѓу Македонија и Исланд, ракометните фанови и навивачи денеска имаа уникатна можност да се дружат со ракометарите од националниот тим.

Новиот партнер на македонскиот ракомет Ребека накит, беше домаќин на оваа прекрасно дружење помеѓу ракометни ведети: Кире, Столе, Деки, Филип К, Филип Т, Борко и нивните фанови.

Огромниот број на посетители и љубители на ракометот и убавото парче накит имаа можност да се запознааат, фотографираат и да добијат автограми од нашите ракометари како и да дознаат повеќе за нивните модни вкусови.

Иако самите не преферираат да носат накит, сепак едногласно велат дека сакаат да ги изненадат своите сопруги, девојки, мајки и пријателки со убаво парче накит.

Елегантен и минималистички накит кај жените е она што тие сакаат да го видат. Велат дека подискретните парчиња накит ја прават жената многу понежна и елегантна.

“Накитот кој треба да го носи една жена зависи од самата пригода. Меѓутоа кога купувам накит сакам тој да е покласичен и елегантен. Морам да признаам дека при изборот на подарок секогаш барам помош од оние кои повеќе се разбираат во накит”, изјави Дејан Манасков.

Според Борко Ристовски, жената секогаш остава поубав впечаток кога на неа носи накит.

“Преферирам дискретни и не толку нападни парчиња накит, а таков накит секогаш одбирам и за подарок. Интересно е дека многу често сакам да подарувам накит и затоа секогаш кога сум на пат одбирам некое убаво парче накит за мојата сопруга”, изјави Борко.

Кире вели дека преферира жената да носи накит без разлика дали се работи за дневна кежуал варијанта или некое вечерно излегување.

“Сакам за родендени или празници да ги изненадам мојата сопруга, мајка и блиски пријателки. Повеќе сакам минималистички накит. Сакам подискретен, едноставен и не многу нападен накит. Едноставните работи изгледаат многу поубаво”, изјави Кире Лазаров.

Денешното убаво дружење го завршивме со една желба, дека нашите херои утре ќе издвојуваат уште една нова победа!