Здравје // Рецепти
Лесен и вкусен рецепт: Соленките на баба
Овој рецепт е од мојата баба Калинка. Многу ги сакав како дете, и сè уште се сеќавам како ѝ помагав да ги пече. Тие се прават исклучително лесно и се многу вкусни.
Ние ги попрскавме со ким, но ако не ви се допаѓа, кимот можете да го замените со сусам или афион.
Потребни состојки:
- 1/2 кг брашно
- 250 грама масло
- 1 пакетче крем сирење
- 1 лажичка сол
- 1 лажичка шеќер
- 1 јајце
- околу 100 грама кашкавал
- Ким
Подготовка:
Го сеете брашното, потоа го додавате маслото, крем сирењето, солта, шеќерот и белката. Месите добро, го растегнувате, размачкувате со жолчка од јајце, посипувате со рендано сирење и со рендан кашкавал и на врвот поспиувате ким.
Печете во загреана рерна на 150 ° околу 15-20 минути.